'ఎవరి గురించి కామెంట్ చేయను.. నన్ను ఈ స్థానంలోకి తీసుకొచ్చింది టీఆర్‌ఎస్‌, సీఎం కేసీఆర్.. టీఆర్‌ఎస్‌కి వ్యతిరేకంగా పని చేయలేదు.. మంత్రి కేటీఆర్ సీఎం అభ్యర్థిత్వాన్ని వ్యతిరేకించలేదు.. స్వాగతించా... నాపై కక్ష సాధించడం సరికాదు.. ఎవరి మాటలపై స్పందించను.. నాతో ఎవరేం మాట్లాడారో తెలుసు. సీఎం అహంకారంపై మంత్రులే మాట్లాడారు. సీఎంకు ఇంత అహంకారం ఉంటదా అని వారే అన్నారు' అని ఈటల రాజేందర్ సంచలన వ్యాఖ్యలు చేశారు.
ఇదిలావుంటే, ఈటల క్యాంప్ కార్యాలయానికి అభిమానులు భారీ సంఖ్యలో చేరుకుంటున్నారు. ఈ సందర్భంగా ఈటల అందరితో ప్రత్యేకంగా మాట్లాడుతున్నారు. ఏం చేద్దాం అంటూ అభిమానులకు ప్రశ్న వేయగా... ఏం చేసినా మీ వెంటే ఉంటామని నియోజకవర్గ నేతలు సమాధానమిస్తున్నారు.
