ఈ వివరాలను పరిశీలిస్తే, కేశవ డాలే అపార్ట్‌మెంట్స్‌ 101లో రిషేంద్ర వేలూరి తల్లి వి.నిర్మల(78)తో కలిసి నివాసం వుండే వారు. అతనికి ఇటీవల వివాహం జరగడంతో అదే అపార్ట్‌మెంట్‌ ఐదో అంతస్తులో భార్యతో కలిసి ఉంటున్నాడు. తల్లి నిర్మల ఒక్కతే 101 ఫ్లాట్‌లో ఉంటోంది. ఆమెకు రెండు కాళ్లూ పని చేయకపోవడంతో ఒక పనిమనిషిని పెట్టుకున్నారు.
ఆమె పడుకున్న మంచం సగం కాలిపోయింది. ఉదయం 10.40 గంటల ప్రాంతంలో పనిమనిషి రాణి నిర్మల ఉంటున్న ఫ్లాట్‌లోకి వెళ్ళింది. పొగ కనిపించడంతో అపార్ట్‌మెంట్‌ సూపర్‌వైజర్‌ రోహిత్‌కు, రిషేంద్ర భార్య అమూల్యకు సమాచారం అందించింది.
