తెలంగాణ రాష్ట్రానికి వాయుగుండం ముప్పుతప్పింది. ఈ కారణంగా వర్షాల తీవ్రత కూడా తగ్గింది. అయితే, ఈ నెల 13వ తేదీ వరకు రాష్ట్రంలోని పలు ప్రాంతాల్లో తేలికపాటి వర్షాలు కురవొచ్చని హైదరాబాద్ వాతావరణ కేంద్రం తెలిపింది.
మరోవైపు, రుతుపవనాల ద్రోణి నలియా, అహ్మదాబాద్, ఇండోర్, రాయగఢ్ మీదుగా కోస్తా ఒడిశా వద్ద ఉన్న వాయుగుండం వరకు వ్యాపించి ఉన్నదని వెల్లడించింది. ఈ వాయుగుండం ప్రభావంగా మరఠ్వాడా, విదర్భం, ఒడిశా, ఛత్తీస్‌గఢ్‌తో పాటు తెలంగాణాపై నామమాత్రంగానే ప్రభావం ఉందని ఐఎండీ వెల్లడించింది.
