తెలంగాణ రాష్ట్ర ముఖ్యమంత్రి, తెరాస చీఫ్ కేసీఆర్ ఫామ్‌హౌస్ ఉన్న ఎర్రవల్లిలో కాంగ్రెస్ పార్టీ తరపున రచ్చబండ కార్యక్రమానికి రేవంత్ రెడ్డి పిలుపునిచ్చారు. ఈ కార్యక్రమంలో పాల్గొనేందుకు రేవంత్ రెడ్డి సోమవారం ఉదయం హైదరాబాద్ నుంచి బయలుదేరి ఎర్రవల్లికి చేరుకోవాల్సివుంది.
కానీ, ఉదయాన్ని రేవంత్ రెడ్డి ఇంటికి చేరుకున్న పోలీసులు.. ఆయన్ను ఇంటి నుంచి బయటకు రానివ్వకుండా అడ్డుకున్నారు. ఆ తర్వాత మధ్యాహ్నం 3.30 గంటల సమయంలో అరెస్టు చేస్తున్నట్టు ప్రకటించి అదుపులోకి తీసుకున్నారు. ఆ తర్వాత జూబ్లీహిల్స్ పోలీస్ స్టేషన్‌కు తరలించారు. రేవంత్ అరెస్టు సమయంలో ఆయన ఇంటి వద్ద తీవ్ర ఉద్రిక్తత నెలకొంది. దీంతో కాంగ్రెస్ శ్రేణులపై పోలీసులు స్వల్పంగా లాఠీఛార్జ్ చేశారు.
