తెలంగాణ రాష్ట్రంలో పదో తరగతి పబ్లిక్ పరీక్షలు జరుగుతున్నాయి. ఈ పరీక్షలకు సంబంధించి ప్రశ్నపత్రం ఒకటి లీకైంది. ఈ లీకేజీ కేసులో తెలంగాణ బీజేపీ శాఖ అధ్యక్షుడు బండి సంజయ్ ప్రధాన సూత్రధారిగా ఉన్నారంటా అభియోగాలు మోపిన పోలీసులు.. ఆయన్ను బుధవారం అర్థరాత్రి అనేక నాటకీయ పరిణామాల మధ్య అరెస్టు కోర్టులో హాజరుపరచగా, ఆయనకు ఈ నెల 19వ తేదీ వరకు కోర్టు రిమాండ్ విధించింది.
ఈ నేపథ్యంలో ఆయన దాఖలు చేసిన బెయిల్ పిటిషన్‌పై గురువారం హన్మకొండ నాలుగో అదనపు మున్సిఫ్ మేజిస్ట్రేట్ కోర్టులో దాదాపు ఎనిమిది గంటల పాటు వాదనలు జరిగాయి. ఆ తర్వా రాత్రి 10 గంటలకు న్యాయమూర్తి షరతులతో కూడిన బెయిల్‌ను మంజూరు చేశారు. సాక్షులను ప్రభావితం చేయొద్దని, ఆధారాలను ధ్వంసం చేయొద్దని ఆదేశించారు. బండి సంజయ్‌కు కోర్టు బెయిల్ మంజూరు చేయడంతో బీజేపీ నేతలు సంబరాలు జరుపుకున్నారు.
