స్పుత్నిక్ వి రాకతో ప్రస్తుతం మన దేశంలో మూడు రకాల టీకాలు అందుబాటులో ఉండనున్నాయి. ఇప్పటికే కోవిషీల్డ్, కోవాగ్జిన్ వ్యాక్సిన్లు అందుబాటులో ఉన్న విషయం తెలిసిందే. రష్యా నుంచి స్పుత్నిక్ వి వ్యాక్సిన్ వచ్చింది.
అయితే మూడురకాల వ్యాక్సిన్లు తెలంగాణా రాష్ట్రంలో అందుబాటులో ఉండడంతో పాటు ప్రజలు వీటిని సద్వినియోగం చేసుకోవాలని రాష్ట్ర ప్రభుత్వం కోరుతోంది. ఇప్పటికే చాలామంది వ్యాక్సిన్ కోసం బారులు తీరి కనిపిస్తున్నారు. వ్యాక్సిన్ కొరత ఎక్కువగా ఉండడంతో కొన్నిచోట్ల వ్యాక్సినేషన్ ప్రక్రియ కూడా నిలిచిపోయింది. కానీ ప్రస్తుతం రష్యా నుంచి వచ్చిన వ్యాక్సిన్‌తో కొరత తీరుతుందన్న అభిప్రాయంలో రాష్ట్రప్రభుత్వం ఉంది.
