తెలంగాణ తెలుగుదేశం పార్టీ వర్కింగ్ ప్రెసిడెంట్, టీడీఎల్పీ నేత రేవంత్ రెడ్డిని పార్టీ నుంచి బహిష్కరించేందుకు సర్వం సిద్ధమైంది. ప్రస్తుతం లండన్ పర్యటనలో ఉన్న చంద్రబాబు స్వదేశానికి రాగానే వేటు నిర్ణయాన్ని అధికారికంగా వెల్లడించే అవకాశం ఉంది. ఈ విషయంపై ఆయన బుధవారం ఓ స్పష్టత ఇచ్చారు.
గురువారం టీడీఎల్పీ సమావేశాన్ని రేవంత్ రెడ్డి ఏర్పాటు చేశారు. ఈ సమావేశానికి హాజరుకావాల్సిందిగా నేతలందరికీ లేఖలు పంపారు. అయితే, పార్టీ అధ్యక్షుడి హోదాలో ఈ సమావేశం నిర్వహించడానికి వీల్లేదంటూ ఎల్. రమణ ఆదేశించారు. పార్టీ కార్యక్రమాలతో పాటు.. వర్కింగ్ ప్రెసిడెంట్‌గా, టీడీఎల్పీ నేతగా దూరంగా ఉండాలని ఆయన కోరారు.
