శుక్రవారం కూడా తెలంగాణలోని పలు ప్రాంతాల్లో వర్షాలు కురిశాయి. నారాయణపేట జిల్లా మాగనూర్‌లో అత్యధికంగా 4.8 సెంటీమీటర్ల వర్షం కురిసింది. శని, ఆదివారాల్లో కూడా రాష్ట్రంలో అక్కడకక్కడ భారీ వర్షాలు కురిసే అవకాశం ఉందని హైదరాబాద్ వాతావరణ కేంద్రం తెలిపింది.
మరోవైపు, ఈ నెల 21న బంగాళాఖాతంలో అల్పపీడనం ఏర్పడే అవకాశం ఉందని వెల్లడించింది. అలాగే, మహారాష్ట్రపై గాలులతో 2.1 కిలోమీటర్ల ఎత్తున ఉపరితల ఆవర్తనం విస్తరించి ఉండగా తూర్పు, పశ్చిమ భారత ప్రాంతాల మధ్య గాలుల ద్రోణి ఉన్నట్టు అధికారులు వివరించారు.
