టిక్ టాక్ ప్రేమ ఢిల్లీ నుంచి హైద్రాబాద్ గల్లీకి రప్పించింది. భర్త, పిల్లలను విడిచి వారం రోజులు యువ బ్యాచ్‌తో జత కట్టి ఉండిపోయింది. ఆమె టిక్ టాక్ ఐడితో.. ఆమె ఫాలోవర్స్ చుట్టూ తిరిగిన భర్త.. చివరికి బేగంపేట ప్రకాష్ నగర్‌లో ఆమె ఆచూకీ కనుగొన్నాడు. ఢిల్లీకి చెందిన ఓ ఉద్యోగి భార్య, ఇద్దరు పిల్లలతో కలిసి ఢిల్లీలోని ఓ అపార్టుమెంట్లో నివాసం ఉంటున్నాడు.
చివరికి వీరితో పరిచయం బాగా ఉండటంతో.. వారి ఆచూకీ తెలుసుకొని ప్రకాష్ నగర్ చేరుకున్నాడు. అతని రాక చూసి షాక్ తిన్న బ్యాచ్ ఏమి చెప్పాలో అర్థం కాకపోగా, ఇన్ని రోజులు ఓ మహిళ ఆ రూమ్‌లో ఉంటుందన్న విషయం తెలుసుకున్న కాలనీ వాసులు ఆగ్రహం వ్యక్తం చేశారు.
గొడవ పెద్దగా మారడంతో బేగంపేట పోలీసులకు సమాచారం అందించారు. ఐతే వారిని పోలీస్ స్టేషన్‌కు తరలించిన పోలీసులు, బాధితుడి భార్యకు కౌన్సెలింగ్ ఇచ్చి తిరిగి భర్తతో ఢిల్లీ సాగనంపారు. ఐతే ఇన్ని రోజులుగా మహిళను రూమ్‌లో ఉంచుకున్నా, కనీసం విషయం తెలుసుకోనందుకు ఇంటి యజమానితో పాటు యువకుల తల్లిదండ్రులను పిలిచి మందలించారు పోలీసులు.
