తమిళ కెమెరామెన్‌ శివ తెలుగువారి పుణ్యమా అని కెమెరామెన్‌గా అసిస్టెంట్‌గా చివరికి దర్శకుడిగా మారాడు. శౌర్యం, శంఖం వంటి చిత్రాలను తీసిన ఆయన తాజాగా రవితేజతో 'దరువు' అనే సినిమా చేశాడు. ఆ చిత్రం ఏవరేజ్‌గా పోతోంది. దరువు సినిమాను ప్రేక్షకులు బాగా ఆదరిస్తున్నారని శివ చెప్పాడు.
తాజాగా తన కమిట్‌మెంట్స్‌ గురించి చెబుతూ- విజయవారి సంస్థను నెలకొల్పిన చక్రపాణి 100 సంవత్సరాలు పూర్తయిన సందర్భంగా వారి బేనర్‌లో ఓ చిత్రానికి దర్శకత్వం వహిస్తున్నట్లు చెప్పారు. అజిత్‌ హీరోగా నటించనున్న ఈ చిత్రంలో హీరోయిన్‌ ఇతర వివరాలు త్వరలో తెలియజేస్తానన్నారు.
యముడు కాన్సెప్ట్‌తో వచ్చిన దరువు చిత్రాన్ని తమిళంలో రీమేక్‌ చేసే ఆలోచన ఉందా? అని అడిగితే.... ఒకరిద్దరు వస్తున్నారు. వీలుంటే చేస్తానంటూనే... తమిళంలో యముని కాన్సెప్ట్‌ అంతగా వర్కవుట్‌ కావని చెబుతున్నాడు.
