తెలుగు చిత్ర పరిశ్రమతో అనుబంధం ఉన్నప్పటికీ.. దర్శకత్వం చేస్తున్నది మాత్రం మొదటి చిత్రమే. ఆయన పేరు హర్షవర్ధన్. నటుడు, రచయిత కూడా. ఈయన తొలిసారి దర్శకత్వం వహించనున్నారు. ఈయన తీసే చిత్రంలో ఓ కుర్ర నటినే హీరోయిన్‌గా ఎంపిక చేయాలని నిర్మాతపై ఒత్తిడి తెస్తున్నాడట. ఎందుకంటే ఆమె కత్తిలా ఉందని, ఆమె అయితేనే తన కథకు అతికినట్టు సరిపోతుందని నిర్మాతతో చెపుతున్నారట. ఇంతకీ ఆ కత్తిలాంటి హీరోయిన్ ఎవరో కాదు.. శ్రీముఖి. 'పటాస్' షోతో పాపులరయిన యాంకర్.
ఈనేపథ్యంలో ఆమెకు ఓ బంపర్ ఆఫర్ తగిలింది. హర్షవర్ధన్ త్వరలో డైరెక్టర్‌గా ఎంట్రీ ఇస్తున్న చిత్రంలో శ్రీముఖిని హీరోయిన్‌గా ఫిక్స్ చేసాడట. శ్రీముఖి ఈ మూవీలో సోలో హీరోయిన్‌గా చేయనుందని టాక్. ఇది 80ల నాటి రొమాంటిక్ థ్రిల్లర్ అని టాక్ వినిపిస్తోంది. 'గుడ్.. బ్యాడ్.. అగ్లీ' అనేది ఈ సినిమా వర్కింగ్ టైటిల్. త్వరలోనే ఈ సినిమా సెట్స్ పైకి వెళ్లనుంది.
'ప్రేమ ఇష్క్ కాదల్'తో పాటు 'లక్ష్మీదేవి తలుపు తట్టింది, మీలో ఒకడు, చంద్రిక లాంటి సినిమాలు చేసింది శ్రీముఖి. అయితే ఇది ఆశించిన ఫలితాల్ని ఇవ్వలేదు. మరి హర్షవర్ధన్ సినిమా ఎలాంటి రిజల్ట్ ఇస్తుందో చూడాలి.
