బాహుబలి 2 చిత్రం కనకవర్షం కురిపిస్తోంది. కానీ, ఈ చిత్ర వసూళ్లపై ఈ చిత్ర నిర్మాతల్లో ఒకరైన దేవినేని ప్రసాద్ స్పందించారు. బాహుబలి మొదటి భాగంలో వచ్చిన నష్టాలు బాహుబలి 2 చిత్రం ద్వారా భర్తీ అవుతాయని ఆయన చెప్పుకొచ్చారు.
ఇదే అంశంపై ఆయన మాట్లాడుతూ.... ఈ సినిమా ఇప్పటి వరకూ వెయ్యి కోట్లు వసూలు చేసిందని రాబోయే రోజుల్లో అది 1500 కోట్లు వసూలు చేయడం ఖాయమని చెప్పారు. అయితే, ‘బాహుబలి’ మొదటి భాగం ద్వారా దాదాపు 70 కోట్లు నష్టం వచ్చిందని చెప్పుకొచ్చారు.
