ఇప్పుడు తాజాగా ఇంచుమించు ఆమెకు మల్లే వున్న భాగ్యశ్రీ బోర్సే తెలుగులో కథానాయికగా రావడం విశేషం. మిస్టర్ బచ్చన్ సినిమాలోకి దర్శకుడు హరీష్ శంకర్ ఏరికోరి ఆమెను తీసుకువచ్చారు. ఆమెతో ఎక్స్ పోజింగ్ తరహా పాటను కూడా చేయించాడు. కాస్త బోల్డ్ గా కూడా యాక్ట్ చేసింది. నటిగా ఇది తనకు దక్కిన మంచి అవకాశమని బోర్సే ఇటీవలే తెలిపింది. రవితేజ సరసన చేసిన ఈమెను ఇటీవలే ప్రీ రిలీజ్ ఈవెంట్ లో రవితేజ, హరీశ్ శంకర్ ఆమెను తెగపొగిడేశారు. బ్యూటిఫుల్, గాడ్జియస్ అంటూ ఎటువంటి పాత్రనైనా సునాయసంగా చేసేస్తుంది. ఆమె డాన్స్ మూవ్ మెంట్ చూస్తే మీరే ఫిదా అవుతారంటూ తెగ పొగిడేశారు. ఈ సినిమా రన్నింగ్ లో వుండగానే ఆమెకు అగ్ర హీరోల సరసన నటించేందుకు నాలుగు సినిమాల్లో అవకాశాలు రావడం విశేషం.
