మహానేత, మాజీ ముఖ్యమంత్రి వైయస్ రాజశేఖరరెడ్డి జీవిత చరిత్ర ఆధారంగా సినిమా తెరకెక్కుతున్న సంగతి తెలిసిందే. ఈ సినిమాలో మలయాళ సూపర్ స్టార్ మమ్ముట్టి.. టైటిల్ రోల్ పోషిస్తున్నారు. ఈ బయోపిక్‌కు 'యాత్ర' అనే టైటిల్‌ను ఖరారు చేశారు. ఈ సినిమాలో విజయమ్మ పాత్రను 'బాహుబలి-2' ఫేం ఆశ్రిత వేముగంటి పోషించనున్నారు.
ఇక వైఎస్సార్ కుమార్తె షర్మిల పాత్రలో భూమిక నటించనున్నట్లు ఫిల్మ్ నగర్ వర్గాల్లో జోరుగా ప్రచారం సాగుతోంది. అయితే వైకాపా చీఫ్, వైఎస్సార్ తనయుడు జగన్ పాత్రలో ఎవరు నటిస్తారనేదానిపై ఇంకా క్లారిటీ లేదు. వైయస్ ప్రధాన అనుచరుడు సూరీడు పాత్రలో పోసాని కృష్ణమురళి నటించనున్నట్టు సమాచారం. 70 ఎంఎం ఎంటర్‌టైన్‌మెంట్స్ బ్యానర్‌పై తెరకెక్కుతున్న ఈ చిత్రానికి మహివి.రాఘవ్ దర్శకత్వం వహిస్తున్నారు.
