దీపికా పదుకునే హాలీవుడ్‌లో ట్రిపుల్ ఎక్స్ సినిమా చేస్తుంది. ఇది ఓ యాక్షన్ మూవీ. హాలీవుడ్‌లో ట్రిపుల్ ఎక్స్ సిరీస్‌లో వచ్చిన సినిమాలు చాలా ఫేమస్ అన్న సంగతి తెలిసిందే. ఇందులో హీరోగా నటించిన విన్ డీజిల్ ప్రపంచ వ్యాప్తంగా భారీగా అభిమానుల్ని సంపాదించుకున్నాడు. ఈ మధ్య సౌత్ ఏషియా మార్కెట్ మీద కన్నేసిన హాలీవుడ్ ఫిలిం మేకర్స్ మన ఇండియన్ ఆర్టిస్టులకు కీలకమైన పాత్రలు ఆఫర్ చేస్తున్న సంగతితెలిసిందే.
ఈ సినిమా ట్రైలర్ ఇటీవలే విడుదలైంది. దీపిక తన ట్విట్టర్ ద్వారా ట్రైలర్‌ను రిలీజ్ చేసింది. డీజే క్యారుసో దర్శకత్వం వహిస్తున్న ఈ సినిమాలో ప్రముఖ హాలీవుడ్ నటుడు విన్డీజిల్తో పాటు నీనా డోబ్రేవ్, రూబీ రోజ్‌లు నటించారు. ఈ చిత్రంలో దీపికా తన అందాన్ని హద్దులు లేకుండా చూపించింది. ఈ చిత్రంతో పాటు ద రిటర్న్‌ ఆఫ్‌ ఎక్స్ జాండర్‌ కేజ్‌' అనే భారీ చిత్రంలో కూడా నటిస్తోంది. చేసే పనిలో సంతృప్తి వెతుక్కునే తత్వమున్న ఈ బ్యూటీ హాలీవుడ్‌లో డిమాండ్‌ మేరకు బాగా హాట్‌హాట్‌‌గా కనిపిస్తోంది.
ఈ మధ్య విడుదల చేసిన 'ట్రిపుల్ ఎక్స్, ద రిటర్న్‌ ఆఫ్‌ ఎక్స్ జాండర్‌ కేజ్‌' ట్రైలర్‌‌లో దీపికా పదుకొనే ఇప్పటిదాకా కనిపించనంత బోల్డ్‌‌గా కనిపించింది. గ్లామర్‌‌తో పాటు ప్రమాదకరమైన అమ్మాయిగా ఈ చిత్రంలో దీపికా నటిస్తోంది. మోడలింగ్‌ నుంచి హాలీవుడ్ వరకూ సాగిన ప్రయాణంపై దీపికా స్పందిస్తూ తాను చేస్తున్న పనిపై పూర్తి సంతృప్తి వ్యక్తంచేసింది.
సరైన సమయంలోనే తనకు హాలీవుడ్ ఛాన్స్ వచ్చిందని వ్యాఖ్యానించింది. యాక్షన్ పిక్చర్‌లో నటించాలన్న ఉత్సాహంతోనే... తన నటనను చూపించాలనే.... ఈ సినిమా ఒప్పేసుకున్నానని చెప్పింది. జనవరి 20, 2017లో ఈ సినిమా ప్రేక్షకుల ముందుకు రానుంది.
