కాంట్రవర్సీ క్వీన్ కంగనా రనౌత్ హాలీవుడ్ సినిమాలో నటించనున్నట్లు వార్తలు వైరల్ అవుతున్నాయి. హాలీవుడ్ స్టార్ రస్సెల్ క్రోతో ఆమె నటిస్తున్నట్లు సోషల్ మీడియాలో వార్తలు వస్తున్నాయి. ఇందులో భాగంగా తన అభిమానుల సందేశాన్ని రీట్వీట్ చేశారు. దీంతో ఈ హాలీవుడ్ హీరో కంగనాతో సినిమా చేయడానికి రెడీగా ఉన్నాడని నెటిజన్లు అనుకుంటున్నారు.
"క్వీన్" ఫేమ్ కంగనా రనౌత్‌తో కలిసి పని చేయాలని తన అభిమానులు సూచించారు. ఆ ట్వీట్‌లో “రెండు విభిన్న చిత్ర పరిశ్రమలకు చెందిన ఇద్దరు గొప్ప నటులు, అకాడమీ అవార్డు విజేత రస్సెల్ క్రో, 4 సార్లు జాతీయ అవార్డు విజేత కంగనా రనౌత్ కలిసి సినిమా చేస్తే ఎంత బాగుంటుంది?” అంటూ ఓ నెటిజన్ ట్వీట్ చేశాడు.
రస్సెల్ క్రోవ్ నోహ్, ఎ బ్యూటిఫుల్ మైండ్, ది నైస్ గైస్, మ్యాన్ ఆఫ్ స్టీల్ వంటి చిత్రాలలో నటించి స్టార్ గా క్రేజ్ తెచ్చుకున్నారు. ప్రస్తుతం ఆయన క్రిస్ హేమ్స్‌వర్త్, నటాలీ పోర్ట్‌మ్యాన్, క్రిస్టియన్ బేల్ నటించిన "థోర్: లవ్ అండ్ థండర్ కో"లో కనిపించనున్నాడు.
