రంగస్థలం సినిమాతో సంచ‌ల‌న విజ‌యం అందుకున్న మెగా పవర్‌ స్టార్‌ రామ్‌ చరణ్ ప‍్రస్తుతం బోయపాటి శ్రీను దర్శకత్వంలో మాస్ కమర్షియల్ ఎంటర్‌టైనర్‌లో నటిస్తున్నారు. రంగస్థలం రిలీజ్‌ తరువాత షార్ట్‌ గ్యాప్‌ తీసుకున్న చరణ్, ఇటీవలే బోయపాటి టీంతో జాయిన్‌ అయ్యారు.
ఈ సినిమాలో చరణ్ సరసన భరత్‌ అనే నేను ఫేం కియారా అద్వానీ హీరోయిన్‌గా నటిస్తోంది. ఈ సినిమాలో బాలీవుడ్ హీరో వివేక్‌ ఒబెరాయ్‌ విలన్‌ పాత్రలో కనిపించనున్నారు.ఈ సినిమాలో చరణ్ అన్న పాత్రల్లో కోలీవుడ్ హీరో ప్రశాంత్‌ (జీన్స్‌ ఫేం), నవీన్‌ చంద్రలు నటిస్తున్నారు.
తాజాగా ఈ సినిమాకు సంబంధించి మరో ఆసక్తికరమైన వార్త టాలీవుడ్‌ సర్కిల్స్‌లో వినిపిస్తోంది. ఆ న్యూస్ ఏంటంటే... ఈగ సినిమాలో విల‌న్‌గా న‌టించి తెలుగు ప్రేక్ష‌కుల‌ను ఎంత‌గానో ఆక‌ట్టుకున్న సుదీప్ సినిమాలో న‌టిస్తున్నాడ‌ట. అయితే... విల‌న్‌గా న‌టిస్తున్నాడా..? లేక కీల‌క పాత్ర పోషిస్తున్నాడా అనేది ప్ర‌స్తుతానికి స‌స్పెన్స్.
