బాలీవుడ్ నటి పరిణీతి చోప్రా.. భారత ఆల్‌రౌండర్ హార్దిక్ పాండ్యాతో ప్రేమలో వున్నట్లు సోషల్ మీడియాలో జోరుగా ప్రచారం సాగుతోంది. ఒక పార్కు వద్ద వుంచిన సైకిల్ ఫోటోను ట్విట్టర్లో పోస్ట్ చేసిన పరిణీతి.. అద్భుతమైన భాగస్వామితో కచ్చితమైన ప్రయాణం. ప్రేమ ప్రస్తుతం గాలిలో తేలియాడుతోందని ట్వీట్ చేసింది. దీనికి హార్దిక్ పాండ్యా బదులిచ్చాడు.
మొత్తానికి తాను చెప్పేదేమింటంటే.. ఈ ఫోటోలోనే క్లూ వుందంటూ వ్యాఖ్యానించింది. దీంతో, పరిణీతి... క్రికెటర్‌తో ప్రేమలో పడిందని సోషల్ మీడియాలో పెద్ద ఎత్తున చర్చ నడిచింది. కానీ, దీనికి పరిణీతి అనూహ్య ముగింపునిచ్చింది. ఈ ఫోటో తన భాగస్వామి కొత్త ఫోనులో ఫోటో తీసినట్లు తెలిపింది.
ఇప్పటికే షర్మిలా-మన్సూర్ అలీ పటౌడీ, సంగీత బిజ్లానీ- మొహ్మద్ అజారుద్దీన్.. విరాట్ కోహ్లీ-అనుష్క శర్మలు ప్రేమలో వున్న సంగతి తెలిసిందే. ఇప్పటికే వీరి ప్రేమాయణాలపై మీడియాలో ఎన్నో వార్తలు వచ్చాయి. తాజాగా పరిణీతి, హార్దిక్ పాండ్యా న్యూస్ ప్రస్తుతం సోషల్ మీడియాలో వైరల్ అయ్యింది.
