టాలీవుడ్ అగ్రహీరోల్లో పవర్ స్టార్ పవన్ కళ్యాణ్ ఒకరు. ఈయనతో కలిసి నటించేందుకు అనేక మంది హీరోయిన్లు పోటీపడుతుంటారు. ముఖ్యంగా.. కుర్రకారు నటీమణులు సంగతి అయితే ప్రత్యేకంగా చెప్పనక్కర్లేదు. అయితే, పవన్ సరసన నటించే లక్కీ ఛాన్స్ కొట్టేసిన కీర్తి సురేష్... ఓ బంపర్ ఆఫర్ ఇచ్చింది.
ప్రస్తుతం పవర్‌స్టార్‌ పవన్ కల్యాణ్‌, మాటల మాంత్రికుడు త్రివిక్రమ్‌ శ్రీనివాస్‌ కాంబినేషన్‌లో ఓ సినిమా తెరకెక్కనుంది. భారీ బడ్జెట్‌తో తెరకెక్కబోతున్న ఈ సినిమాపై ఇప్పుడే మంచి హైప్‌ ఏర్పడింది. ఈ సినిమాలో కీర్తి సురేష్, అను ఇమ్మానుయేల్‌ హీరోయిన్లుగా ఎంపికయ్యారు. దీనిపై వారిద్దరు ఎంతో సంతోషాన్ని వ్యక్తం చేస్తున్నారు.
గతంలో కీర్తి రెడ్డి, భూమిక, శృతీహాసన్‌ వంటి హీరోయిన్లు పవన్‌తో నటించిన తర్వాతే గుర్తింపు పొందారన్న విషయం తెలిసిందే. ఈ జాబితాలో తాను కూడా చేరాలనుకుంటోందట కీర్తి. పైగా ఈ సినిమాకు త్రివిక్రమ్‌ డైరెక్టర్‌. వీరి కాంబినేషన్‌లో గతంలో సెన్సేషనల్‌ హిట్స్‌ వచ్చాయనే విషయం తెలిసిందే. అందుకే తన పారితోషికాన్ని తగ్గించుకుని ఈ చిత్రంలో నటించేందుకు సమ్మతించిందట.
