మీరా జాస్మిన్... ఒకపుడు తెలుగు పరిశ్రమలో ఓ వెలుగు వెలిగింది. పవన్ కళ్యాణ్, రవితేజ వంటి స్టార్ హీరోల సరసన నటించింది. 'అమ్మాయి బాగుంది' సినిమాతో తెలుగు తెరకి పరిచయమైంది. ఆ వెంటనే పవన్ జోడీగా 'గుడుంబా శంకర్' సినిమాలో సందడి చేసింది. అందం .. అభినయం కలగలిసిన నాయికగా మంచి మార్కులు కొట్టేసింది. బాలకృష్ణ .. జగపతిబాబు .. రవితేజ సరసన కూడా ఆడిపాడింది.
అయితే, తెలుగుతో పాటు తమిళ, మలయాళ సినిమాలను ఎక్కువగా చేసిన మీరా జాస్మిన్, వివాహమైన తర్వాత సినిమాలకు దూరమైంది. కొంత గ్యాప్ తర్వాత ఒక మలయాళ సినిమాలో గెస్టు రోల్ చేసిన ఆమె, ఇక పూర్తి స్థాయిలో వరుస సినిమాలు చేయాలని నిర్ణయించుకుందట.
సాధారణంగా నిన్నటితరం హీరోయిన్లు పెళ్లి చేసుకున్న కొంతగ్యాప్ తీసుకుని, మళ్లీ రీ ఎంట్రీ ఇచ్చేస్తున్నారు. అక్క .. వదిన .. అమ్మ ఇలా ఎలాంటి పాత్రలోనైనా నటించేందుకు సంసిద్ధులైపోతున్నారు. అలా రీ ఎంట్రీ ఇచ్చినవారి జాబితాలో తాజాగా 'మీరా జాస్మిన్' చేరిపోయింది.
