గతంలో టాలీవుడ్ మన్మథుడు అక్కినేని నాగార్జున ద్విపాత్రాభినయంలో రమ్యకృష్ణ, లావణ్య త్రిపాఠి కలిసి నటించిన చిత్రం సోగ్గాడే చిన్ని నాయనా. ఈ చిత్రం సీక్వెల్‌గా బంగార్రాజు చిత్రం రానుంది. కళ్యాణ్ కృష్ణ దర్శకత్వం వహించనున్నారు.
అయితే, ఇందులో ఓ ఐటెం సాంగ్ ఉందట. దీనిని 'ఆరెక్స్100' బ్యూటీ పాయల్ రాజ్‌పుత్‌తో చేయించాలనుకుంటున్నారట. ఈ సినిమా వచ్చే నెల నుంచి చిత్రీకరణ ప్రారంభం కానుందట. విలేజ్ బ్యాక్‌డ్రాప్‌లో తెరకెక్కనుంది. అనూప్ రుబెన్స్ సంగీతం అందిస్తుండగా మంచి మాస్ సాంగ్ కంపోజ్ చేసినట్టు తెలుస్తోంది.
