సూపర్ స్టార్ రజనీ కాంత్ మంచు ఫ్యామిలీకి బంపర్ ఆఫర్ ఇచ్చాడట. రజనీకాంత్ అల్లుడు ధనుష్ తొలిసారిగా దర్శకత్వం వహించిన పవర్ పాండి హిట్ అయిన సంగతి తెలిసిందే. ఈ నేపథ్యంలో లక్ష్మీబాంబ్, లక్కున్నోడు, గుంటురోడు వరుసగా ఫ్లాప్ అయ్యాయి.
మంచి హిట్ లేకుండా కష్టాల్లో ఉన్న మిత్రుడు మోహన్ బాబును ఇంటికి పిలిపించి రజనీకాంత్ పవర్ పాండి సినిమాను రీమేక్ చేసుకోమని చెప్పినట్లు కోలీవుడ్ వర్గాల్లో టాక్. అయితే ఆ మధ్య తమిళ్‌‌లో రాజ్ కిరణ్ లీడ్ రోల్ చేసి హిట్ అయిన మూవీని తన గురువు దాసరి 'ఎర్రబస్సు'గా రీమేక్ చేసి ఫెయిలయ్యాడు. మరి ఇప్పుడు అదే రాజ్ కిరణ్ కీలక పాత్ర పోషించిన పవర్ పాండి సినిమాను రీమేక్ చేస్తాడో లేదో అనేది తేలాల్సి వుంది.
కాగా పవర్ పాండి సినిమా వృద్ధాప్యంలోని ఓ స్టంట్ మాస్టర్ ప్రేమ కథకు సంబంధించిందని.. ఈ సినిమాకు ధనుష్ స్క్రిప్ట్ ఇచ్చాడని.. మంచి కథతో తెరకెక్కిన ఈ సినిమాకు ప్రేక్షకుల నుంచి మంచి రెస్పాన్స్ వస్తున్నట్లు సమాచారం. కాగా తెలుగులో రీమేక్ అయ్యే ఈ సినిమాను మోహన్ బాబు, ధనుష్ సంయుక్తంగా నిర్మిస్తారని కోలీవుడ్ వర్గాల సమాచారం.
