దక్షిణాదిలోని అగ్ర హీరోయిన్లలో సమంత ఒకరు. ఆమె తెలుగు, తమిళం భాషలతో పాటు ఇతర భాషల్లో కూడా రాణిస్తున్నారు. ఒకపుడు హీరోల సరసన నటించిన ఈ భామ.. ఇపుడు కథానాయిక ప్రాముఖ్యత ఉన్న పాత్రలు, సినిమాలకు అధిక ప్రాధాన్యత ఇస్తున్నారు. ఆ కోవలోనే ఆమె "యశోద" చిత్రం విడుదల కాగా, ఇపుడు "శకుంతలం" విడుదలకు సిద్ధమైంది.
అదేసమయంలో తెలుగులో అందరి హీరోలతో కలిసి నటించిన సమంత తమిళంలోనూ విజయ్, ధనుష్, విశాల్, సూర్య, విక్రమ్ వంటి హీరోల చిత్రాల్లో కూడా నటించారు. అయితే, తెలుగుతో పోల్చుకుంటే తమిళంలో ఆమె నటించిన చిత్రాల సంఖ్య తక్కువగానే ఉన్నాయని చెప్పొచ్చు.
అయితే, తెలుగులో నాగ చైతన్యను పెళ్లాడిన ఆమె.. కొంతకాలం తర్వాత విడాకులు తీసుకున్నారు. వారిద్దరి నిర్ణయం చిత్రపరిశ్రమలో సంచలనం సృష్టించాయి. ఈ బాధ నుంచి బయటడిన సమంత.. ఆ తర్వాత తన సినీ కెరీర్‌పై దృష్టిసారించింది.
