యంగ్ రెబ‌ల్ స్టార్ ప్ర‌భాస్ న‌టిస్తోన్న లేటెస్ట్ మూవీ సాహో. ర‌న్ రాజా ర‌న్ ఫేమ్ సుజిత్ ద‌ర్శ‌క‌త్వంలో రూపొందుతోన్న ఈ భారీ చిత్రం హైద‌రాబాద్‌లో శ‌ర‌వేగంగా షూటింగ్ జ‌రుపుకుంటోంది. యు.వి. క్రియేష‌న్స్ బ్యాన‌ర్ పైన రూపొందుతోన్న ఈ సినిమా దాదాపు 150 కోట్ల భారీ బ‌డ్జెట్‌తో రూపొందుతోంది. విదేశాల్లో ఇటీవ‌ల చిత్రీక‌రించిన యాక్ష‌న్ సీన్స్ ఈ సినిమాకి హైలైట్‌గా నిలుస్తాయ‌ట. ఇక క‌థ విష‌యానికి వ‌స్తే... ఆడియ‌న్స్ థ్రిల్ ఫీలయ్యేలా ఉంటుంద‌ని తెలిసింది.
ప్ర‌భాస్ పాత్ర గురించి ఓ వార్త బ‌య‌ట‌కు వ‌చ్చింది. అది ఏంటంటే.. ఈ చిత్రంలో ప్ర‌భాస్ అంతర్జాతీయ వజ్రాల దొంగగా నటిస్తున్నారని ఆయన కోసం ఇంటర్ పోల్ అధికారులు తీవ్రంగా గాలిస్తుంటారని ఆ నేపథ్యంలో వచ్చే సన్నివేశాలు చిత్రానికి హైలైట్ కానున్నాయని వార్తలు వస్తున్నాయి. ఈ చిత్రంలో బాలీవుడ్ నటుడు నీల్ నితిన్ ముఖేష్ ప్రతినాయకుడి పాత్రలో నటిస్తున్నారు.
