టాలీవుడ్ మోస్ట్ ఎలిజబుల్ బ్యాచ్‌లర్ ప్రభాస్ ప్రస్తుతం సాహో సినిమా షూటింగ్‌లో బిజీ బిజీగా వున్నాడు. బాహుబలి సినిమాకు తర్వాత ప్రభాస్ పెళ్లి వుంటుందని వార్తలొచ్చాయి. బాహుబలి సినిమా రిలీజైనా.. వెంటనే సాహో సినిమాకు కమిటైన ప్రభాస్, పెళ్లి విషయాన్ని పక్కనబెట్టేశాడు. ఈ నేపథ్యంలో తొలుత బిల్లా, తర్వాత మిర్చి, ఆపై బాహుబలిలో కలిసి నటించిన ప్రభాస్- అనుష్కల మధ్య ప్రేమ చిగురించిందని వార్తలొచ్చాయి.
పెళ్ళి కూడా చేసుకోబోతారని టాక్ వచ్చింది. అయితే ఈ వార్తలను అనుష్క, ప్రభాస్ ఖండించారు. తామిద్దరం మంచి స్నేహితులమని క్లారిటీ ఇచ్చారు. తాజాగా ప్రభాస్-అనుష్క వివాహ వదంతులపై అనుష్క తల్లి స్పందిస్తూ.. వాళ్లిద్దరూ స్టార్స్ అని, వీరి కాంబినేషన్‌లో పలు చిత్రాలు వచ్చాయని తెలిపారు. అనుష్క కోసం ప్రభాస్ వంటి మిస్టర్ పర్‌ఫెక్ట్ కావాలనే ఉంది కానీ, వాళ్లిద్దరూ మంచి స్నేహితులని చెప్పారు. ఇకనైనా వారి పెళ్లి గురించి వస్తున్న వదంతులను ఆపాలని ఆమె కోరారు.
ఇంతకుముందు ప్రభాస్‌తో పెళ్లి వదంతులపై అనుష్క స్పందించింది. తామిద్దరం మంచి స్నేహితులమని, బాహుబలి-దేవసేన కెమిస్ట్రీ తెరపైకే పరిమితమని నిజజీవితంలో ఆ కెమిస్ట్రీని ఎదురుచూడొద్దంటూ ఫ్యాన్సును కోరిన సంగతి తెలిసిందే.
