ప్రముఖ బాలీవుడ్ హీరోయిన్ కంగనా రనౌత్‌పై నటుడు ఆదిత్య పంచోలి ఫైర్ అయ్యారు. పంచోలీపై కంగనా వివాదాస్పద వ్యాఖ్యలు చేసిన సంగతి తెలిసిందే. నటిగా ఇండస్ట్రీలో అడుగు పెట్టిన కొత్తలో మైనర్‌గా ఉన్న తనను పంచోలీ తీవ్రంగా హింసించాడని, రక్తం వచ్చేలా కొట్టాడని ఆరోపించారు.
ఈ నేపథ్యంలో కంగనా రనౌత్ నటిస్తున్న ''సిమ్రాన్'' సినిమా ఈ నెల 15వ తేదీన ప్రేక్షకుల ముందుకు రానుంది. ఏదైనా సూటిగా మాట్లాడేసే కంగనా రనౌత్.. కొందరు హీరోయిన్లు చేసేందుకు ఆలోచించే పాత్రల్లోనూ కనిపించేందుకు సై అంటోంది. ఇలాంటి తరుణంలో సిమ్రాన్ చిత్రంలో భర్త నుంచి విడాకులు తీసుకుని, విరహంతో రగిలిపోయే పాత్రలో కనిపిస్తానని చెప్పుకొచ్చింది.
హన్సాల్ మెహతా తెరకెక్కించిన ఈ చిత్రంలో తాను శృంగార పరమైన ఆలోచనలు ఎక్కువగా వుండే పాత్రలో కనిపిస్తానని వెల్లడించింది. కానీ అభ్యంతరకరంగా కాకుండా కళాత్మకంగా ఆయా సన్నివేశాలను చిత్రీకరించడం జరిగిందనీ, ఈ సినిమా తన కెరియర్లో ప్రత్యేకమైనదిగా నిలిచిపోతుందని కంగనా రనౌత్ చెప్పుకొచ్చింది.
