భారత క్రికెటర్ విరాట్ కోహ్లీ. ఈ పేరు గురించి ప్రత్యేకంగా వివరించనక్కర్లేదు. ఓవైపు.. క్రికెట్‌లో రాణిస్తూనే మరోవైపు... బాలీవుడ్ హీరోయిన్‌ అనుష్కతో ప్రేమలో మునిగితేలుతున్నాడు. అయితే అనుష్క శర్మతో లవ్‌లో పడటానికి ముందు విరాట్ కోహ్లీ మరో తారపై మనసు పాడేసుకున్నాడట. ఆమె ఎవరంటే రితేష్ దేశ్‌ముఖ్ సతీమణి జెనిలీయా దేశ్‌ముఖ్.
విరాట్ కోహ్లీ గతంలో ఇచ్చిన ఓ ఇంటర్వ్యూకు సంబంధించిన వీడియో ప్రస్తుతం వైరల్‌గా మారింది. ఆ ఇంటర్వ్యూలో జెనీలియా డిసౌజా అంటే తనకు చాలా ఇష్టం అని, ఆమె చాలా అందంగా ఉంటుంది అని కోహ్లీ తన మనసులో మాట చెప్పుకొచ్చాడు.
అప్పటికే జెనిలీయా 'జానే తూ యా జానే నా' అనే చిత్రంతో మంచి హిట్ కొట్టి ఫామ్‌లో ఉన్నది. ఆ సందర్భంగా ఓ వీడియో జాకీ అడిగిన ప్రశ్నకు కోహ్లీ సమాధానమిస్తూ జెనీలియా చాలా అందంగా ఉంటుంది. ఆమెతో కొద్ది సేపు డేటింగ్ చేశాను. ఒక సందర్భంలో ఆమెను కొన్ని క్షణాలు చూసి .. వెంటనే సిగ్గుతో అక్కడ నుంచి పారిపోయాను అని కోహ్లీ ఆ ఇంటర్వ్యూలో వెల్లడించడం గమనార్హం.
