వివాహితుడైన దర్శన్ నటి పవిత్ర గౌడతో సహజీవనం చేస్తుండగా తన అభిమాన హీరో కాపురంలో చిచ్చుపెడుతున్నావంటూ దర్శన్ అభిమాని రేణుకాస్వామి అనే యువకుడు పవిత్ర గౌడ సోషల్ మీడియా ఖాతాకు అసభ్య సందేశాలు పంపించాడు. దాంతో తీవ్ర ఆగ్రహం చెందిన దర్శన్ తన అభిమాని రేణుకాస్వామిని కిడ్నాప్ చేసి హతమార్చినట్టు ఆరోపణలు ఎదుర్కొంటున్నాడు.
ఈ నేపథ్యంలో, కీలక పరిణామం చోటుచేసుకుంది. హీరో దర్శన్ మేనేజర్ శ్రీధర్ ఆత్మహత్య చేసుకున్నాడు. బెంగళూరులోని దర్శన్ ఫాం హౌస్‌లో శ్రీధర్ మృతదేహాన్ని గుర్తించారు. ఒంటరితనం వల్లే చనిపోతున్నట్టు శ్రీధర్ తన సూసైడ్ నోట్, వీడియో సందేశంలో పేర్కొన్నట్టు తెలుస్తోంది. తన చావుకు ఎవరూ కారణం కాదని తెలిపాడు. ఈ మేరకు జాతీయ మీడియాలో కథనాలు వచ్చాయి.
