బాలీవుడ్ అగ్రనటుడు కుమారుడుపై రేప్ కేసు నమోదైంది. ఫలితంగా అగ్ర హీరో మిథున్ చక్రవర్తి భార్య యోగితా బాలి, తనయుడు మహాక్షయ్ చిక్కుల్లో పడ్డారు. ఓ రేప్ కేసుకు సంబంధించి ఈ ఇద్దరిపై ఎఫ్‌ఐఆర్ బుక్ చేయాల్సిందిగా ఓ ఢిల్లీ కోర్టు ఆదేశించింది.
లైంగిక దాడితోపాటు మోసం, బలవంతంగా అబార్షన్ చేయించారన్న ఆరోపణలను మహాక్షయ్ ఎదుర్కొంటున్నాడు. హిందీ, భోజ్‌పురి సినిమాల్లో నటించిన ఓ నటి అతనిపై ఢిల్లీ కోర్టులో ఫిర్యాదు చేసింది. తనను పెళ్లి చేసుకుంటానని మోసం చేశాడని ఆమె ఆరోపించింది.
పైగా, తన కొడుకుతో సంబంధం కొనసాగిస్తే తీవ్ర పరిణామాలు ఎదుర్కోవాల్సి వస్తుందని మహాక్షయ్ తల్లి తల్లి యోగితా బెదిరించిందని కూడా ఆమె తన ఫిర్యాదులో పేర్కొంది. తన ప్రాణాలకు ముప్పు ఉండటంతో తాను ముంబై నుంచి ఢిల్లీకి వచ్చానని తెలిపింది.
