తమిళ సినీ నటుడు, డీఎంకే మాజీ ఎంపీ నెపోలియన్ కుమారుడు ధనూష్ వివాహం అంగరంగ వైభవంగా జపాన్ రాజధాని టోక్యోలో నిర్వహించారు. ఈ పెళ్లికి సంబంధించిన ఫోటోలను నటుడు నెపోలియన్ కుటుంబ సభ్యులు సోషల్ మీడియాలో రిలీజ్ చేశారు.
కాగా, నెపోలియన్‌కు ధనూష్, కునాల్‌ అనే ఇద్దరు కుమారులు ఉన్నారు. ఇందులో నెపోలియన్ పెద్ద కుమారుడు ధనూష్‌కు చిన్నప్పటి నుంచి మస్కులర్ డిస్ట్రోఫీ అనే అరుదైన వ్యాధి ఉంది. ఒకానొక దశలో వ్యాధి తీవ్రమై ధనూష్‌కి పదేళ్లకు పైగా నడవలేని పరిస్థితి ఏర్పడింది.
నెపోలియన్ కొడుకు ధనుష్ ఇర్ఫాన్‌కి వీరాభిమాని కాబట్టి, అతన్ని ప్రత్యక్షంగా చూసేందుకు ఇర్ఫాన్ అతని ఇంటికి వెళ్లి అమెరికాలో తన కుమారుడి కోసం నెపోలియన్ కట్టించిన ప్యాలెస్ వీడియోను విడుదల చేశాడు. ఈ వీడియో చూసిన చాలా మంది ఓ తండ్రికి కొడుకుపై ఇంత ప్రేమ ఉంటుందా ఆశ్చర్యపోయారు.
