దర్సకుడు తేజ వెంటపడ్డ హీరో సునీల్.. ఎందుకో తెలుసా?

మంగళవారం, 22 మే 2018 (19:27 IST)
సునీల్‌ను హీరోగా కన్నా కమెడియన్‌గా ఆదరించేవాళ్ళే ఎక్కువ. లావుగా, తమాషా కామెంట్లతో ప్రేక్షకులకు ఎంతో దగ్గరైన వ్యక్తి సునీల్. కమెడియన్ కెరీర్ ప్రారంభించి హీరోగా ఎదిగిన వ్యక్తిలో సునీల్ ఒకరు. కానీ సునీల్‌కు మాత్రం హీరోగా పెద్ద అవకాశాలేమీ రాలేదు. అడపాదడపా రెండుమూడు సినిమాలు హిట్లు అయ్యాయి. కానీ ఆ తరువాత అన్నీ ఫ్లాప్‌లే. సిక్స్ ప్యాక్‌తో లావుగా కండలు తిరిగిన సునీల్ ఇప్పుడు చేతిలో సినిమాలు లేక ఇబ్బందులు పడుతున్నాడు.
 
ఇప్పటికే హీరోగానే కాకుండా కమెడియన్‌గా కూడా చేస్తానని ప్రకటించాడు సునీల్. సునీల్ చెప్పాడు కానీ అవకాశాలు మాత్రం అస్సలు ఆయనకు రావడం లేదు. ఎందుకంటే సిక్స్ ప్యాక్ ఉన్న వ్యక్తి.. హీరోగా సరిపోయే వ్యక్తికి ఎలా కమెడియన్ క్యారెక్టర్ ఇస్తామంటున్నారు దర్సకులు. దీంతో సునీల్ ఇక చేసేది లేక తనకు సినీపరిశ్రమలో బాగా పరిచయం ఉన్న డైరెక్టర్ తేజ వెంటపడ్డాడట. 
 
నాకు హిట్ సినిమా కావాలి. హీరోగానే కాకుండా కామెడీ కూడా అందులో ఉండాలి. ప్రేమకథా చిత్రానికి కూడా నేను సరిపోతాను.. అంటూ తేజను ఒప్పించాడట సునీల్. త్వరలో వీరిద్దరి కాంబినేషన్లో ఒక సినిమా కూడా తెరకెక్కుతున్నట్లు సినీవర్గాలు చెబుతున్నాయి. మొత్తంమీద తేజపై సునీల్ పెట్టుకున్న నమ్మకం ఎంతమాత్రం ఫలిస్తుందో చూడాల్సిందే. 

వెబ్దునియా పై చదవండి

సంబంధిత వార్తలు