శ్రీరాముడు, సీతమ్మపై వివాదాస్పద వ్యాఖ్యలు చేసిన కత్తి మహేష్ పైన సినీతారలు, హిందూ ధార్మిక సంఘాలు తీవ్రస్థాయిలో మండిపడుతున్నాయి. రాముడి గురించి, రామాయణం గురించి కత్తి మహేష్‌కు ఏం తెలుసునని ప్రశ్నిస్తున్నారు. అయితే తాజాగా సినీ నటి మాధవీలత చేసిన వ్యాఖ్యలు తీవ్ర చర్చకు దారితీస్తున్నాయి. కత్తి మహేష్‌కు అస్సలు బుద్ధి లేదు. రాముడు ఎంత గొప్ప వ్యక్తో తెలుసా కత్తి మహేష్... నీకు అన్నదమ్ముల ఐక్యత, తండ్రి మాటకు కట్టుబడి ఉండటం, ధర్మం కోసం పోరాడాలని రామాయణం చెబుతోంది.
అలాంటి రామాయణాన్ని, రాముడు, సీతను కించపరిచే విధంగా మాట్లాడటం చాలా తప్పు. ఇప్పటికైనా నీ తప్పు తెలుసుకో. నీ వ్యక్తిగత భావ స్వేచ్ఛను మడిచి నీ ఇంట్లో పెట్టుకో. అంతేగానీ మాపై రుద్దాలని ప్రయత్నించకు. నోరు అదుపులో పెట్టుకో అంటూ తీవ్రస్థాయిలో మండిపడ్డారు మాధవీలత. గతంలోను చాలాసార్లు కత్తి మహేష్ పైన మాధవీలత విమర్శలు చేశారు. అయితే మాధవీలత చేసిన వ్యాఖ్యలపై కత్తి మహేష్ ఇప్పటివరకు స్పందించలేదు.
