రానా దగ్గుబాటి, ప్రభాస్, అనుష్క, తమన్నా నటిస్తున్న ఈ సినిమా తొలి భాగమైన బాహుబలి రూ.600 కోట్లు సంపాదించింది. తద్వారా ప్రపంచ సినిమాల్లో అత్యధిక కలెక్షన్లు సాధించిన సినిమాగా నిలిచింది. ఈ రికార్డును బాహుబలి2 తిరగరాయనుందని టాక్ వస్తోంది. బాహుబలి2 సినిమా కోసం రూ.450 బడ్జెట్ కింద ఖర్చు పెట్టినట్లు సమాచారం. ఈ మొత్తాన్ని బాహుబలి2 విడుదలైన వారం రోజుల్లోనే సంపాదించేస్తాడని సమాచారం.
ఈ నేపథ్యంలో బాహుబలి తారాగణం సినిమా ప్రమోషన్‌లో బిజీ బిజీగా ఉంది. పనిలో పనిగా తమ తదుపరి సినిమాలను కూడా ప్రమోట్ చేసుకునేందుకు రంగం సిద్ధం చేసుకుంటున్నారు. ఈ క్రమంలో బాహుబలి 2 సినిమా విడుదలను క్యాష్ చేసుకునేందుకు.. ప్రభాస్, అనుష్క రెడీ అవుతున్నారు. ప్రభాస్ నాలుగేళ్ళ తర్వాత సుజీత్ దర్శకత్వంలో ఓ భారీ ప్రాజెక్ట్‌ని రూపొందించాడు.
అయితే ఈ చిత్ర ట్రైలర్‌ని కూడా బాహుబలి ది కంక్లూజన్ మూవీతో పాటుగా విడుదల చేయాలని మేకర్స్ భావిస్తున్నారట. తద్వారా బాహుబలి క్రేజ్‌ను.. తదుపరి సినిమాల కోసం ఉపయోగించుకునేందుకు ప్రభాస్, అనుష్క పోటీపడుతున్నారు. ఇప్పటికే పాటలు విడుదలైనాయి. ఈ పాటలకు నెట్టింట్లో భారీ క్రేజ్ లభిస్తోంది.
