అల్లరి నరేష్ - సునీల్ - భీమ‌నేని మూవీ టైటిల్ భ‌లే ఉంది..!

అల్ల‌రి న‌రేష్ - సునీల్ కాంబినేష‌న్లో భీమ‌నేని శ్రీనివాస‌రావు ఓ సినిమాని తెర‌కెక్కిస్తున్నారు. ఈ చిత్రాన్ని పీపుల్ మీడియా ఫ్యాక్ట‌రీ సంస్థ నిర్మిస్తోంది.  వరుస కామెడీ చిత్రాలతో మినిమమ్ గ్యారంటీ హీరోగా పేరుతెచ్చుకున్న ఈ అల్లరోడు వరుస పరాజయాలతో డీలా పడ్డాడు. అయితే తనకు అచ్చొచ్చిన కామెడీ జానర్‌లోనే హిట్ కొట్టేందుకు ‘సుడిగాడు’ మూవీ దర్శకుడు భీమినేని శ్రీనివాస్ డైరెక్షన్‌లో ఫుల్ ఫన్ మూవీ చేస్తున్నాడు. 

ప్రస్తుతం ఈ మూవీ షూటింగ్ చివరి దశలో ఉంది. ఈ చిత్రానికి సిల్లీ ఫెలో అనే టైటిల్ అనుకున్నారు. అయితే... ఈ టైటిల్‌ను మ‌రో నిర్మాణ‌ సంస్థ రిజిష్ట‌ర్ చేయించుకోవ‌డంతో  ‘ఫన్ రాజా ఫన్’ అనే వెరైటీ టైటిల్‌ని ఫిక్స్ చేశార‌ని టాక్ వినిపిస్తోంది. ‘ఫన్ రాజా ఫన్’ టైటిల్ సినిమాకు కరెక్ట్‌గా యాప్ట్‌ కావడంతో దీనివైపే మొగ్గుచూపారట చిత్ర యూనిట్. 

ఈ మూవీలో హీరో సునీల్ కీలకమైన పాత్రలో కనిపించబోతున్నారు. ‘రంగులరాట్నం’ ఫేమ్ శుక్ల.. నరేష్‌తో జోడీ కడుతోంది. నందిని రాయ్ మరో హీరోయిన్‌గా సందడి చేయనుంది. ఈ టైటిల్‌తో పాటు వ‌చ్చాడ‌య్యో సామీ.. అనే టైటిల్ కూడా ప‌రిశీలిస్తున్నారని తెలిసింది. త్వ‌ర‌లోనే మూవీ టైటిల్‌ను అఫిషియ‌ల్‌గా ఎనౌన్స్ చేయ‌నున్నారు.