హమ్మయ్య విక్టరీ వెంకటేష్‌కు జోడీ కుదిరింది. చాలా గ్యాప్ తర్వాత అనిల్ రావిపూడి దర్శకత్వంలో వెంకటేష్ చేస్తున్న సినిమాలో హీరోయిన్‌గా అమలా పాల్‌ను తీసుకున్నట్లు తెలుస్తోంది. వెంకీతో నటించేందుకు కాజల్ అగర్వాల్, తమన్నా వంటి హీరోయిన్లు నో చెప్పడంతో చివరికి అమలా పాల్‌ను ఎంపిక ఖరారైనట్లు సమాచారం.
వెంకటేశ్.. వరుణ్ తేజ్ కాంబినేషన్లో అనిల్ రావిపూడి చేస్తున్న మల్టీ స్టారర్ మూవీలో వెంకీ సరసన అమలాపాల్ ఖరారైందని టాక్. మరోవైపు దర్శకుడు శ్రీరామ్ ఆదిత్య కూడా నాగార్జున-నాని కాంబినేషన్లో ఒక మల్టీస్టారర్‌ తెరకెక్కబోతోంది. ఈ చిత్రంలో నాగార్జున జోడీగా అమలా పాల్‌ను ఎంపిక చేసినట్టుగా తెలుస్తోంది. ఇదే కనుక నిజమైతే.. అమలాకు ఇక తిరుగులేదని సినీ పండితులు అంటున్నారు.
