దుబాయ్‌కి చెందిన ఓ కొత్త జంటకు హనీమూన్ చేదు అనుభవాన్ని మిగిల్చింది. హ్యాపీగా పెళ్లి చేసుకుని.. హనీమూన్‌కు వెళ్లిన ఆ జంట తిరిగొచ్చిన రెండు రోజులకే విడాకులు కోరింది. ఇందుకు కారణం ఏంటంటే? హనీమూన్ వెళ్లిన సమయంలో కొత్త పెళ్లి కూతురు సెక్స్కు అంగీకరించకపోవడంతో కొత్త పెళ్లికొడుకు కోర్టును ఆశ్రయించాడు. ఈ సందర్భంగా కోర్టులో భార్యాభర్తలిద్దరూ ఒకరిపై ఒకరు ఆరోపణలు చేసుకున్నారు.
తన కోసం తన భర్త యూరప్‌లో డబ్బు ఖర్చు చేయలేదని.. తన భర్త పిసినారి అంటూ విమర్శించింది. ఇంకా తన భర్త నుంచి తనకు విడాకులు కావాలని కొత్త పెళ్లి కూతురు కూడా డిమాండ్ చేసింది. దీంతో కొత్త జంటకు కౌన్సిలింగ్ ఇచ్చారు. అయినా ఫలితం లేకుండా పోయింది. దీంతో ఈ కేసును షరియా కోర్టుకు అప్పగించారు. షరియా కోర్టు ఈ దంపతులకు విడాకులు మంజూరు చేస్తుందా లేదా అనేది ప్రస్తుతం సర్వత్రా చర్చనీయాంశమైంది.
