టాలీవుడ్‌లో ''దేవదాసు'' సినిమా ద్వారా హీరోయిన్‌గా కెరీర్ మొదలెట్టిన ఇలియానా ఆపై.. వరుస హిట్లతో టాప్ హీరోయిన్‌గా ఎదిగింది. అలా దక్షిణాది అగ్రహీరోయిన్‌గా ముద్రవేసుకున్న ఇలియానా రవితేజతో చేసిన ''దేవుడు చేసిన మనుషులు'' తర్వాత టాలీవుడ్‌ను వదిలేసి బాలీవుడ్‌కు మకాం మార్చింది. అక్కడ ఈ గోవా బ్యూటీ నాలుగైదు సినిమాలుచేసింది. ప్రస్తుతం మళ్లీ రవితేజ సినిమా ''అమర్ అక్బర్ ఆంటోనీ'' ద్వారానే టాలీవుడ్ రీ ఎంట్రీ ఇవ్వబోతోంది.
శ్రీను వైట్ల దర్శకత్వంలో రవితేజ కథానాయకుడిగా ''అమర్ అక్బర్ ఆంటోని'' సినిమా రూపొందుతోంది. ప్రస్తుతం ఈ సినిమా షూటింగ్ అమెరికాలో జరుగుతోంది. ఈ షూటింగ్‌లో ఇలియానా పాల్గొంది. ఈ షూటింగ్‌లో రవితేజ, ఇలియానా కాంబినేషన్‌లో కొన్ని కీలకమైన సన్నివేశాలను చిత్రీకరించనున్నారు. ఈ చిత్రం షూటింగ్ కోసం శ్రీనువైట్ల కుటుంబం కూడా అమెరికా వచ్చింది.
మరోవైపు ఇలియానా తన ఆస్ట్రేలియన్ ఫోటోగ్రాఫర్ బాయ్ ఫ్రెండ్ ఆండ్రూతో సహజీవనం చేస్తోంది. ఇద్దరికీ పెళ్లి జరిగినట్లు కూడా గతంలో వార్తలు వచ్చాయి. ఈ విషయమై క్లారిటీ ఇవ్వమంటే... అది తన వ్యక్తిగతమని దాటవేసింది. అంతేగాకుండా.. ఇటీవల హీరోయిన్ ఇలియానా తన ఇన్‌స్టాగ్రామ్ పేజీలో పోస్టు చేసిన టాప్‌లెస్ ఫోటోతో పాటు దాని కింద చేసిన కామెంట్ హాట్ టాపికైన సంగతి తెలిసిందే.
