రొమాంటిక్ ప్రేమ కధాంశంతో వైవిధ్య భరితంగా మలిచిన ఈ చిత్రంలో హీరోహీరోయిన్లు సూరి, నైనా అభినయం హత్తుకుంటుంది. సన్నివేశాలతో పాటు పాటలు మదిని దోచుకుంటాయి. ఆ మధ్య విడుదలైన ఈ చిత్రం ట్రైలర్, సింగిల్స్‌కు విశేష స్పందన లభించింది. ఇక రాంగోపాల్ వర్మ పరిచయం చేసిన... అలాగే ఆయన చిత్రాలలో నటించిన నటీనటులు, పనిచేసిన సాంకేతిక నిపుణులు ఎంతటి పేరు తెచ్చుకుని బిజీ అయ్యారో తెలియంది కాదు.
ఈ కోవలోనే లోగడ వంగవీటి చిత్రం ద్వారా పరిచయమైన నైనా గంగూలీ కూడా బాలీవుడ్, ఇంకా ఇతర భాష‌ల చిత్రాలు చేస్తోంది. తాజాగా ఆమె నటించిన ఈ చిత్రంలో రొమాంటిక్ గా కనిపిస్తూ యువ ప్రేక్షక హృదయాలను కొల్లగొడుతుంది అని అన్నారు. మ‌రి.. వివాద‌స్ప‌ద చిత్రం అమ్మ రాజ్యంలో క‌డ‌ప బిడ్డ‌లు సినిమాతో క‌మ‌ర్షియ‌ల్ గా స‌క్స‌స్ సాధించిన వర్మ.. ఈ సినిమాతో ప్రేక్ష‌కుల‌ను మెప్పిస్తారో లేదో చూడాలి.
