దివంగత అక్కినేని నాగేశ్వర్ రావులాంటి మహానుభావుడి పేరుమీదున్న జాతీయ అవార్డును నాకు ప్రదానం చేశారు.. నేను అందుకు అన్ని విధాలా అర్హుడనా..? అనే ఆలోచన నాలో మొదలైందని దర్శకధీరుడు ఎస్ఎస్.రాజమౌళి ప్రశ్నించారు. హైదరాబాద్, శిల్ప కళావేదికలో జరిగిన ఓ కార్యక్రమంలో ఉపరాష్ట్రపతి వెంకయ్యనాయుడు చేతుల మీదుగా అక్కినేని జాతీయ పురస్కారాన్ని రాజమౌళి అందుకున్నారు.
అనంతరం ఆయన మాట్లాడుతూ, అక్కినేని జాతీయ పురస్కారం అందుకోవడం ఎంతో గర్వంగా ఉందన్నారు. అదేసమయంలో మరోవైపు భయంగా కూడా ఉందన్నారు. అసలు ఈ అవార్డుకు నేను అన్ని విధాలా అర్హుడునా? అని ఆలోచిస్తున్నట్టు చెప్పారు. నాకు తెలిసి నేను దానికి అర్హుడను కాదు. ఇలాంటి అవార్డులు తీసుకుంటున్నప్పుడు రెక్కలు ఇచ్చినట్లు ఉంటుందన్నారు.
