వివాదాస్పద చర్యలు, ప్రకటనలతో నిత్యం మీడియా ప్రచారం కోసం వెంపర్లాడే దర్శకుడు రాంగోపాల్ వర్మ అని, ఆయనో పనీపాటలేని వ్యక్తి అంటూ ఏపీ రాష్ట్ర మంత్రి సోమిరెడ్డి చంద్రమోహన్ రెడ్డి విమర్శించారు.
దీనిపై మంత్రి సోమిరెడ్డి మాట్లాడుతూ, రాంగోపాల్ వర్మ ఎప్పుడూ వివాదాల్లో ఉంటారని, తీసిన సినిమాలు హిట్టయ్యేలా చూసుకోవాలని సూచించారు. "లక్ష్మీస్ ఎన్టీఆర్" అనే సినిమా తీయడం సంతోషకరం. త్యాగశీలి లక్ష్మీపార్వతి.. సినిమాలో హీరోయిన్‌గా ఆమెనే పెట్టుకోమనండి అంటూ సోమిరెడ్డి వ్యంగ్యాస్త్రాలు సంధించారు. కాగా, ఈ చిత్రానికి వైకాపా నేత రాకేష్ రెడ్డి నిర్మాతగా వ్యవహరించనున్న విషయం తెల్సిందే.
