అర్జున్ రెడ్డి సినిమా బాక్సాఫీసు వద్ద కలెక్షన్ల వర్షం కురిపిస్తోంది. విజయ్‌ దేవరకొండ, శాలిని పాండే జోడిగా సందీప్‌ వంగా దర్శకత్వంలో తెరకెక్కిన ఈ చిత్రం తొలివారంలోనే రూ.30కోట్ల మార్కును దాటింది. ఇటీవలే అర్జున్ రెడ్డి సినిమాకు మరో పది నిమిషాల సన్నివేశాలను యాడ్ చేశారు. తద్వారా ఈ చిత్రాన్ని మూడు గంటల పదకొండు నిమిషాల నిడివితో ప్రదర్శించనున్నారు.
ఈ నేపథ్యంలో అర్జున్ రెడ్డి సినిమా తప్పకుండా చూడాల్సిందేనని బాహుబలి దేవసేన అభిప్రాయపడింది. ఈ విషయాన్ని ఫేస్‌బుక్ ఖాతా ద్వారా పోస్ట్ చేసింది. అర్జున్ రెడ్డిని తప్పక చూడండి.. అర్జున్ రెడ్డి సినిమా యూనిట్‌లోని ప్రతి ఒక్కరికీ.. నిజాయతీగా, మనస్ఫూర్తిగా అభినందనలు తెలుపుతున్నానని అనుష్క చెప్పుకొచ్చింది. కాగా, అనుష్క పోస్ట్ ఫై నెటిజన్లు స్పందించారు. థ్యాంక్యూ ఫర్ ప్రొమోటింగ్, ఈ సినిమా మీరెప్పుడు చూశారు అనుష్క?, సూపర్బ్ మూవీ అంటూ కామెంట్లు చేశారు.
