హీరోయిన్ హన్సిక ప్రేమ వ్యవహారం గురించి ప్రత్యేకంగా చెప్పనక్కర్లేదు. తొలుత తమిళ కుర్రహీరో శింబుతో ప్రేమలో పడింది. వీరిద్దిరూ కొంతకాలం ప్రేమలో మునిగితేలారు. వీరిద్దరి వివాహానికి శింబు తండ్రి టి.రాజేందర్ అడ్డు చెప్పడంతో అది పెటాకులైనట్టు సమాచారం. ఆ తర్వాత హన్సికను ఇపుడు మరో తమిళ హీరో లైన్లో పెట్టినట్టు సమాచారం. అతడు మరెవరో కాదు తమిళ నటుడు అధర్వ.
అధర్వ, హన్సికల మధ్య సమ్ థింగ్ సమ్ థింగ్ అంటూ తమిళ పత్రికలు కోడై కూస్తున్నాయి. అయితే ఈ ప్రేమ వ్యవహారం గురించి... అధర్వ, హన్సికలు మాత్రం నోరుమెదపడం లేదు. ప్రస్తుతం వీరిద్దరూ కలిసి ఒక సినిమాలో నటిస్తున్నారు. ఈ నేపథ్యంలోనే ఈ రూమర్ వార్తల్లోకి వచ్చింది.
