నటుడు అవసరాల శ్రీనివాస్‌ దర్శకుడిగా మారి చిత్రాలు తీస్తున్నాడు. మరలా హీరోగానూ కొనసాగుతున్నాడు. ఈసారి అభిషేక్‌ పిక్చర్స్‌ సంస్థలో ఆయన హీరోగా నటిస్తున్నాడు. అభిషేక్‌ నామా నిర్మిస్తున్న ఈ చిత్రం ద్వారా నవీన్‌ మేడారం దర్శకుడిగా పరిచయం కాబోతున్నారు. ఈ చిత్రానికి 'బాబు.. బాగా బిజీ' అనే టైటిల్‌ ఖరారు చేశారు. బాలీవుడ్‌ 'హంటర్‌'కు రీమేక్‌ ఇది.
హిందీ చిత్రాన్ని నిర్మించిన ఫాంటమ్‌ ఫిల్మ్స్‌ సంస్థ తెలుగు చిత్రానికి భాగస్వామిగా వ్యవహరిస్తుంది. మిస్తీ చక్రవర్తి, తేజస్వి మదివాడ, సుప్రియ ఐసోల, శ్రీముఖి హీరోయిన్లుగా నటిస్తున్నారు. చిత్రీకరణ పూర్తయింది. ప్రస్తుతం నిర్మాణానంతర కార్యక్రమాలు జరుగుతున్నాయి.
