టాలీవుడ్‌లో ప్రస్తుతం ఇద్దరు అగ్ర హీరోల చిత్రాలు షూటింగ్‌లో వున్నాయి. మెగాస్టార్‌ చిరంజీవి, నందమూరి బాలకృష్ణ చిత్రాలు మేకింగ్‌లో వుండటం విశేషం. ఇటీవలే చిరంజీవి.. ఖైదీ నెం.150 కోసం కొన్ని లుక్స్‌ను విడుదల చేస్తే.. అంతకుముందే బాలయ్య.. గౌతమి పుత్ర శాతకర్ణి చిత్రం కోసం కొన్ని లుక్స్‌ విడుదల చేశారు. అయితే శనివారంనాడు ఇద్దరి హీరోలకు సంబంధించి లుక్స్‌ బయటపెట్టారు.
రారాజుగా బాలయ్య స్టిల్‌ వస్తే.. చిరంజీవి మాత్రం బుల్లితెరపై కోటీశ్వరు ఎవరు? అంటూ నీట్‌గా సూట్‌బూటు వేసిన లుక్‌ను విడుదల చేశారు. సినిమా ప్రమోషన్‌ కోసం బుల్లితెరను వాడుకుంటున్న చిరంజీవి... సంక్రాంతి నాడు తన సినిమాను ప్రేక్షకుల ముందుకు తెస్తున్నారు. అయితే అదేరోజు బాలయ్య సినిమా విడుదల కానుంది. ఇద్దరు పెద్ద హీరోలకు పోటీనా? అనేది పక్కనపెడితే.. ఎవరు చిత్రం వారిదే అంటూ ఫ్యాన్స్‌ కూడా పాజిటివ్‌గా మాట్లాడుకోవడం విశేషం.
