'పీఎస్వీ గరుడవేగ' చిత్రం విజయోత్సవంలో మునిగితేలుతున్న హీరో రాజశేఖర్, జీవిత రాజశేఖర్ దంపతులకు ఇది నిజంగానే చేదువార్త. ఈ దంపతుల పెద్ద కుమార్తె శివాని తన వాహనంలో ప్రయాణిస్తూ.. నిలిపి ఉంచిన మరో కారును ఢీకొట్టిన విషయం తెల్సిందే. ఇది శనివారం జూబ్లీహిల్స్ రోడ్డు నంబర్ 5లో జరిగింది. ఈ ప్రమాదంలో ఎవరికీ గాయాలు కాలేదు.
మరోవైపు కారు డ్యామేజ్‌కి సంబంధించి ఎస్‌పీవీఎస్‌ ప్రైవేట్ లిమిటెడ్‌ సంస్థ సీనియర్‌ ఆపరేషనల్‌ మేనేజర్‌ అశోక్‌‌కుమార్‌ ఇచ్చిన ఫిర్యాదు మేరకు శివానిపై కేసు నమోదు చేశారు. కాగా, శివానీ వైద్య కోర్సు చదువుతున్న విషయం తెల్సిందే.
