బ్లడ్..స్వెట్... వైలెన్స్ #లైగర్ షూటింగ్ తిరిగి ప్రారంభం అని విజయ్ దేవరకొండ ట్వీట్ చేశారు. ఈ సంద‌ర్భంగా లైగర్ షూటింగ్ లొకేష‌న్ నుండి కొత్త స్టిల్‌ను రిలీజ్ చేశారు నిర్మాత ఛార్మి. ఈ పోస్టర్ లో కండలు తిరిగిన దేహంతో కనిపిస్తున్న విజయ్ దేవరకొండ MMA ఫైటర్‌గా ఫైట్ చేయడానికి సిద్ధంగా ఉన్నట్లు కనిపిస్తున్నారు. ఈ ఫైట్ సీక్వెన్స్ షూటింగ్ లో ఫారెన్ ఫైటర్స్ కూడా భాగం కాబోతున్నారు.
బాలీవుడ్ భారీ నిర్మాణ సంస్థ ధర్మ ప్రొడక్షన్స్ తో కలిసి పూరి కనెక్ట్స్ బ్యానర్‌పై భారీ రేంజ్ లో బడ్జెట్ లో ఎక్కడా కాంప్ర‌మైజ్‌ కాకుండా అత్యున్నత సాంకేతిక విలువలతో తెరకెక్కిస్తున్నారు. విష్ణు శర్మ సినిమాటోగ్రఫీ అందిస్తుండగా...థాయిలాండ్ స్టంట్ డైరెక్టర్ కెచా ఈ సినిమాకు వర్క్ చేస్తుండటం విశేషం. పూరి జగన్నాథ్, ఛార్మి కౌర్, కరణ్‌జోహార్, అపూర్వ మెహతా నిర్మాతలుగా వ్యవహరిస్తున్నారు.
హిందీ, తెలుగు, తమిళం, కన్నడ మరియు మలయాళం భాషలలో రూపొందుతున్న ఈ సినిమాలో రమ్య కృష్ణ, రోనిత్ రాయ్ ముఖ్య పాత్రలు పోషిస్తున్నారు. ఇంకా విషు రెడ్డి, అలీ, మకరంద్‌ దేశ్‌ పాండే, గెటప్‌ శీను నటిస్తున్నారు.
సాంకేతిక నిపుణులు:
ద‌ర్శక‌త్వం: పూరి జ‌గ‌న్నాధ్‌, నిర్మాతలు: పూరి జ‌గ‌న్నాధ్‌, చార్మీ కౌర్, క‌ర‌ణ్ జోహార్‌, అపూర్వ మెహతా, కెమెరాః విష్ణు శర్మ, ఆర్ట్‌ డైరెక్టర్: జానీ షేక్‌ భాష.
