కాలేజీ రోజుల్లో మహిళలను తాకడానికే బస్సులు ఎక్కేవాళ్లమని బిగ్ బాస్ తమిళ కంటిస్టెంట్, నటుడు శరవణన్ చేసిన కామెంట్స్‌పై ప్రముఖ గాయని చిన్మయి శ్రీపాద ఫైర్ అయ్యారు. తమిళ బిగ్ బాస్ మూడో సీజన్‌లో కంటిస్టెంట్‌గా వున్న శరవణన్ ప్రోగ్రామ్‌లో భాగంగా చేసిన కామెంట్స్ ప్రస్తుతం హాట్ టాపిక్‌గా మారాయి. తమిళ బిగ్ బాస్ షోలో పాల్గొన్న ఈయన ఈ వారంతం వ్యాఖ్యాత కమల్ హాసన్‌తో చేసిన కామెంట్స్ చర్చకు దారితీశాయి.
ఈ వారాంతంలో భాగంగా నటి మీరామిథున్ దర్శకుడు చేరన్‌పై చేసిన ఆరోపణలపై కమల్ హాసన్ మాట్లాడారు. టాస్క్ సందర్భంగా చేరన్ తనను ఇబ్బందికరంగా లాగి పక్కకు తోశాడని మీరామిథున్ ఆరోపించగా.. ఆ సందర్భంగా ప్రభుత్వ బస్సుల్లో మహిళలకు జరుగుతున్న అన్యాయాల గురించి మాట్లాడాడు. చాలామంది ఉద్యోగాలకు వెళ్ళే అవసరంలో ఒకరినొకరు తోస్తూ వెళ్తుంటారు.
