మెగాస్టార్ చిరంజీవి నటించిన 151వ చిత్రం సైరా నరసింహా రెడ్డి. ఈ చిత్రం ఫ్రీరిలీజ్ వేడుక ఆదివారం రాత్రి హైదరాబాద్ వేదికగా జరిగింది. సురేందర్ రెడ్డి దర్శకత్వం వహించిన ఈ చిత్రంలో నయనతార, తమన్నా హీరోయిన్లు కాగా, బిగ్ బి అమితాబ్, జగపతిబాబు, కిచా సుధీప్, విజయ్ సేతుపతి వంటి అగ్రనటులు కీలక పాత్రల్లో పోషించారు.
ఈ చిత్రం గాంధీ జయంతిని పురస్కరించుకుని అక్టోబరు రెండో తేదీన ప్రేక్షకుల ముందుకురానుంది. చిరంజీవి కెరియర్లోనే తొలి చారిత్రక చిత్రంగా 'సైరా' భారీ బడ్జెట్‌తో చిరంజీవి తనయుడైన హీరో రామ్ చరణ్ నిర్మించారు. ఈ చిత్రం ట్రైలర్ ఇప్పటికే సోషల్ మీడియాలో దుమ్మురేపుతోంది. ఈ చిత్రం తెలుగుతో పాటు.. హిందీ, తమిళం, మలయాళం భాషల్లో విడుదలకానుంది.
