మెగాస్టార్ చిరంజీవి కొత్త సినిమాను ప్రారంభించారు. ప్రముఖ దర్శకుడు కొరటాల డైరక్షన్‌లో సినిమా చేసేందుకు మెగాస్టార్ పచ్చజెండా ఊపేశారు. చిరంజీవి హీరోగా నటించిన ‘సైరా నరసింహారెడ్డి’ తెలుగులో మంచి విజయాన్ని సాధించింది. ఈ నేపథ్యంలో తెలుగులో సైరా సక్సెస్ తర్వాత కొరటాల శివ సినిమా చేస్తున్నాడు. వచ్చే నెలలో పట్టాలెక్కనున్న ఈ సినిమాను కొరటాల శివ డిఫరెంట్ బ్యాక్ గ్రౌండ్‌తో తెరకెక్కించబోతున్నట్టు సమాచారం.
ఈ సినిమాను దేవాలయాల నేపథ్యంలో రూపొందించబోతున్నట్లు తెలుస్తోంది. దేవాలయాలను నిర్లక్ష్యం చేయడం ద్వారా సమాజానికి ఏర్పడే ప్రభావంపై ఈ సినిమా రూపుదిద్దుకోనుంది. ఇందులో చిరంజీవి.. దేవాదాయ ధర్మాదయ శాఖలో పనిచేసే ఉద్యోగి పాత్రలో కనిపించనున్నట్టు సమాచారం. ఆలయ భూములు అన్యాక్రాంతం చేస్తున్న వారిపై హీరో ఎలాంటి ఉక్కుపాదం మోపాడు.
