వెండితెరపై కథానాయకులతో పాటు తెర ముందున్న ప్రేక్షకులు సైతం సంతోషంగా స్టెప్పులు వేసేలా కొరియోగ్రఫీ చేయడం జానీ మాస్టర్ ప్రత్యేకత. మాస్ పాటలు, మెలోడీలు జానీ కొరియోగ్రఫీ చేస్తే సమ్‌థింగ్ స్పెషల్ అనేలా ఉంటాయి. 'ఖైదీ నంబర్ 150'లో 'సుందరి...', 'రంగస్థలం'లో 'జిల్ జిల్ జిగేలు రాణి', 'అల వైకుంఠపురములో' చిత్రంలో 'బుట్టబొమ్మ...', 'ఇస్మార్ట్ శంకర్'లో టైటిల్ సాంగ్, 'రెడ్'లో 'డించక్... డించక్', 'భీష్మ'లో 'వాట్టే వాట్టే బ్యూటీ', ధనుష్ చిత్రం 'మారి-2' లో 'రౌడీ బేబీ' పాటలకు ఆయనే కొరియోగ్రఫీ అందించారు. ఇటీవల 'రాధే'లో 'సిటీమార్...' పాటతో సల్మాన్ అభిమానులు, ఉత్తరాది ప్రేక్షకులతో స్టెప్పులు వేయించారు. ప్రస్తుతం తమిళ్ టాప్ స్టార్ విజయ్ 'బీస్ట్' చిత్రానికి నృత్య దర్శకత్వం చేస్తున్నారు. అలాగే పలు తెలుగు, తమిళ , కన్నడ స్టార్ హీరోల చిత్రాలకు కొరియోగ్రఫీ చేస్తున్నారు. ఇప్పుడీ కొరియోగ్రాఫర్ కథానాయకుడిగా పరిచయమవుతున్న సంగతి తెలిసిందే. హీరోగా తొలి సినిమా ప్రారంభించిన ఆయన, రెండో సినిమాకు గ్రీన్ సిగ్నల్ ఇచ్చారు.
